ლადო ბურდული: „თითქოს მე არ ვარსებობდე ამ ქვეყანაში“

სოც.მედია - 11:05, 14 Apr, 2014

4032

ცნობილი ქართველი როკმენი ლადო ბურდული ევროპის მოედანზე გამართულ აქცია -კონცერტს „ჩვენ ვირჩევთ ევროპას“, გამოეხმაურა და თავისი გულისტკივილი საკუთარ "ფეისბუქ" გვერდზე განათავსა.

"სამწუხაროა, როცა შენს ქვეყანაში უკვე მრავალი წელია, ტრადიციულად გამართულ არც ერთ როკ ფესტივალზე თუ ხსვადასხვა როკ კონცერტებზე, ან ისეთ აქციებზე როგორიც არის ევროკავშირის მხარდასაჭერი, მე არ მეძახიან და გამოყავთ ვიღაც გაურკვეველი ბავშვები ან ძვირადღირებული უცხოელი არტისტები თითქოს მე არც ვარსებობდე ამ ქვეყანაში.

დღემდე ვერ გამიგია რაში აწყობთ ეს, ან ვის აწყობს? ან ამხელა ზიზღი ქართული როკისადმი საიდან და რატომ?!

ერთს კი გეტყვით:

- მაგ სიმართლით შორს ვერ წახვალთ ბავშვებო განსაკუთრებით კი E.U.-ში ;))",- წერს ლადო ბურდული.

ლადოს სტატუსს უამრავი ხელოვანი გამოხმაურება მოჰყვა. მათ შორის უცხოეთში მცხოვრები შალვა ხახანაშვილიც. რომლის თქმითაც მავანნი „ნატოსა და ევროკავშირში“ გარდაუვალი შესვლით აბოლებენ ქართულ საზოგადოებას.

შალვა ხახანაშვილი: „უკვე ტრადიციად იქცა, ყოველივე ქართული თანამედროვეს ჩაწიხვლა, მის სანაცვლოდ კი უამრავი უმსგავსო ნაგავი ევროპიდან ნამდვილი დემოკრატიული ფასეულობების საფარქვეშ მოედინება. ვითომ არ კმარა? ვერ ხვდებით რო ევროპა უფრო და უფრო შორდება ქართულ რეალობას?!

ლადო, ეხლა შენს კითხვაზე. ვისთვის სვამ მაგ კითხვას? :))) ამდენი წლის განმავლობაში, კულტურულ პოლიტიკური ნომენკლატურა იცნობს ქართულ ან საერთოდ თანამედროვე ხელოვნებას? ეგ რომ გათვიცნობიერებული ჰქონდეთ, „ევროპულ ფასეულობათა“ პირველ ადგილას თანამედროვე ხელოვნებას და კულტურას დაუთმობდნენ ადგილს იმ მრავალ აუცილებელ რეფორმათა შორის, რითიც ასე იწონებენ თავს ევროპელი კოლეგების წინაშე და „ნატოსა და ევროკავიშრში“ გარდაუვალი შესვლით აბოლებენ ქართულ საზოგადოებას. ან თავს იტყუებენ ან საზოგადოება მათსავით უვიცი ჰგონიათ. ერთი ნაღდია, მიამიტი კი ნამდვილად არის საზოგადოება, ასეთი ენთუზიაზმით, მერამდენე მთავრობას ანდობს ყველაზე სანუკვარ ოცნებების ასრულებას???