"ნაციონალური მოძრაობის“ თბილისის ორგანიზაციის თავჯდომარის გიგი უგულავას ცოლისდა მაკა კილაძე შალვა კილაძისთვის ბრალის წაყენების ფაქტს ეხმაურება.

მაკა კილაძე „ფეისბუქის“ გვერდზე მოუწოდებს ფინანსურ პოლიციას, არ გახადონ შალვა კილაძე მხვერპლი.

„რამოდენიმე წუთის წინ მამაჩემთან მოვიდნენ გამომძიებელი და პროკურორი ფინანსური პოლიციიდან რომლებმაც ბრალი წაუყენეს -არაკანონიერი სამეწარმე საქმიანობა. თუ ვინმეს გაინტერესებთ გეტვით ,რომ მამაჩემს და მის პარტნიორს ბევრი წელია აქვთ ლიცენზია გაჯის მოპოვების. აღმოჩნდა, რომ ცოტა ტრაქტორი გადაცდა შემოუღობავ ტერიტორიას და ორი ნიჩაბი ჩასცხო სხვ ტერიტორიაზე. მამაჩემი 5 წელია არც კი ყოფილა ამ კარიერაზე რადგენ მძიმე ავადმყოფია აქვს დიაბეტი, პარკინსონი, გაკეთებული აქვს ორი უმძიმესი ოპერაცია,. დამოკიდებულია მედიკამენტებზე და ფიზიკურად გადაადგილება უჭირს.. ამ პოსტს მხოლოდ იმისთვის ვწერ, რომ ღმერთი არ გაუწყრეს ვინმეს და ეს საქმე არ აქციონ პოლიტიკურ ავანტიურად. ეს ადამიანი არ გახდეს მსხვერპლი ვინმეს მანიპულირების თორემ ბომბს შევუგდებ ფინანსურ პოლიციას და მთაწმინდაზე შემომდგარ მაწვნის ქილებსაც“, - წერს მაკა კილაძე.

გიგი უგულავას სიმამრი რუსთავის ფინანსურ პოლიციაში ხვალისთვის იყო დაბარებული. თუმცა ჯანმრთელობის მდგომარეობის გამო ის საგამოძიებო უწყებაში ვერ გამოცხადდებოდა.