გვარამია - ღლონტის "ფეისბუქ ომი" გრძელდება: "მეც ფანჯრიდან გადავხტებოდი სათბურის კიტრი რომ ვიყო“

სოც.მედია - 11:12, 03 Apr, 2014

5361

ტელეკომპანია „მაესტროს“ დამფუძნებელი მამუკა ღლონტი, „რუსთავი 2“-ის გენერალურ დირექტორს ნიკა გვარამიას „ფეისბუქის“ მეშვეობით ეხმაურება.

რამდენიმე დღის წინ ნიკა გვარამიამ „ნიუპოსტთან“ საუბრისას აღნიშნა: „მაესტროს“ რეიტინგი რომ მქონდეს ფანჯრიდან გადავხტებოდი“.

ამის საპასუხოდ, „მაესტროს“ დამფუძნებელი, „ფეისბუქზე“ მოკლე კომენტარით შემოიფარგლა: „მეც ფანჯრიდან გადავხტებოდი სათბურის კიტრი რომ ვიყო“.
თუმცა მოგვიანებით, მამუკა ღლონტმა „ფეისბუქზე“ ვრცელი „პოსტი“ „დაპოსტა“:
„როგორც იცით “მაესტრო“ საკაბელო ტელევიზიაა. “რუსთავი 2 ის“ და “იმედისგან“ გასხვავებით მაყურებლების შეზღუდული რაოდენობა ჰყავს. მაგრამ ეს არ ეხება საკაბელო კომპანიებს, სადაც ამ სამ ტელეკომპანიას მაყურებლების ერთნაირი რაოდენობა ჰყავთ. ჩვენს ტელეკომპანიას ბოლო წელს ჰქონდა თითქმის 500% იანი რეიტინგული ზრდა, ქვემოთ მოცემული ბმული (იხ.ფოტო) გახლავთ ბოლო ერთი თვის ე.წ. „ფიფელმეტრების“ მიხედვით შექმნილი ოფიციალური რეიტინგები, სადაც ნათლად ჩანს რომ სხვაობა ერთნაირ ველზე, ანუ იქ სადაც თანაბარი რაოდენობის მაყურებელია, “მაესტროს“ და “რუსთავი 2“-ს შორის მიზერულია, მათ საგრძნობლად ჩამორჩება იმედი. ასე რომ თუ დავიჯერებთ ნიკა გვარამიას სიტყვებს როდესაც ის ამბობს ვციტირებ: “„მაესტროს“ რეიტინგი რომ მქონდეს ფანჯრიდან გადავხტებოდი“.... დროა მის ფანჯრებს ქვემოთ დავდგეთ და დაველოდოთ შეასრულებს თუ არა სიტყვას :))))“, - წერს მამუკა ღლონტი „ფეისბუქის“ საკუთარ გვერდზე.

შეგახსენებთ, რომ „რუსთავი 2“-ის გენერალურ დირექტორ ნიკა გვარმიასა და „მაესტროს“ დამფუძნებელ მამუკა ღლონტს შორის „ფეისბუქ ომი“ ჯერ კიდევ "თი-ვი-ემ-არ" -ის ინციდენტიდან დაიწყო და ახლა IRI-ს მედია რეიტინგებით გრძელდება.
„იმედი“ და „კავკასია“ ჩართული არიან ხელისუფლების ბინძურ თამაშში. მადლობა მინდა გადავუხადო „მაესტროს“, რომელიც თავისი შემოსავლით არსებობს“,- განაცხადა რამდენიმე კვირის წინ ნიკა გვარამიამ.
გვარამიას საპასუხოდ, მამუკა ღლონტმა „ფეისბუქზე“ შემდეგი ტექსტი „დაპოსტა“: „ბატონო ნიკა პირადად მე, "მაესტროს" ერთ-ერთი მფლობელი, არათუ თანამოაზრედ, არამედ კოლეგადაც კი არ გთვლით. თუმცა, მივესალმები იმას, რომ რაღაც-რაღაცეებზე თვალი აგეხილათ. პატივისცემით: მამუკა ღლონტი“.
ამჯერად კი, რამდენიმე დღის წინ გამოქვეყნებული IRI-ს მედია რეიტინგები „რუსთავი 2“-ის გენერალურმა დირექტორმა „ნიუპოსტთან“ საუბრისას შეაფასა და ნახევრად ხუმრობით აღნიშნა, რომ ამ კვლევებით, „რუსთავი 2“-ს, „მაესტროს“ მსგავსად 21-პროცენტიანი ნდობა რომ ჰქონდეს, ფანჯრიდან გადახტებოდა.

ნინა შადური