მოროშკინამ სამართალდამცველებს "ნაციონალების" წინააღმდეგ სამხილები გადასცა

სოც.მედია - 15:28, 28 Mar, 2014

5734

სასჯელაღსრულების მინისტრის ყოფილი მრჩეველი ლალი მოროშკინა სოციალური ქსელის მეშვეობით წერს, რომ საგამოძიებო ორგანოებს ყოფილი ჩინოვნიკების წინააღმდეგ სამხილები თავად გადასცა.
„ჩემს გააქტიურებასთან ერთად გააქტიურდა ნაციონალების ინტერნეტ-დივერსიული ფრთაც.
ძვირფასო „ნაციონალებო", შიში შეიქმს სიყვარულს და ადრე თუ გვიან ძალიან შეგიყვარდებით, თუნდაც იმიტომ რომ ერთ უწყებაში მოგვიწევს თანაარსებობა, მე გისოსებს აქეთ, თქვენ კი გისოსებს იქით! ყველაფერი გაკეთდა იმისათვის, რომ თქვენ კონსტრუქციულ ოპოზიციურ ძალად აღგექვათ საკუთარი თავი, მაგრამ არა, თქვენ ეს შანსიც ხელიდან გაუშვით, და საბოლოოდ გამარგინალდით.
შესაბამისად, თქვენი ადგილი "რეალპოლიტიკაში" არ არის, ხოლო თქვენი მთავარი გურუს-სააკაშვილის ადგილი ციხეშია! დამთავრდა კოჰაბიტაცია!!!
პროკურატურა მაქსიმალურ კორექტულობას მიმართავდა ექს-პრეზიდენტთან მიმართებაში, მაგრამ ესეც ვერ შეირგეთ! გეშინოდეთ! პირადად მე გადავეცი შესაბამის უწყებებს ბევრი სამხილი ყოფილ ჩინოვნიკებზე, რომლებიც დღესაც თავს აფარებენ სახელმწიფო სტრუქტურებს, ასე რომ „ნაციონალებო“, რომ გგონიათ ადგილებს თქვენი მართული ხალხი ინარჩუნებს და გაზაფხულზე დაგეგმილ არეულობაში ხელს შეგიწყობენ, ესეც დამთავრდა!!!
დაწერეთ თქვენით განცხადებები და პატაკები, თორემ დაგაწერინებენ! მე კი ჩემის მხრივ ვიტყვი, მიუხედავად იმისა, რომ თქვენნაირებს კი ვიცი რაც ეკუთვნით, მინიმუმ "წაქცეულს არ ურტყამენ"-ს პრინციპით გეტყვით, რომ არ გემუქრებათ არც ცოცხები, არც ელექტრო შოკი, არც სკამის ფეხი, არც "ბიჩოკი" უკანა ტანში, არც ფრჩხილების ცოცხლად დაძრობა მორგში და არც პირადი პაემნების ოთახში თვალთვალი, ცოლ-ქმრული ურთიერთობის დროს რაც თქვენი საყვარელი მეთოდები იყო-პირიქით, ჩვენ კარგი და ჯანსაღი კვება გვაქვს, კარგი სამედიცინო მომსახურეობა და ფსიქოლოგის ინსტიტუტი, რომელიც თქვენ ნამდვილად დაგჭირდებათ. პატივისცემით, ლ.მ."- წერს „ფეისბუქის“ საკუთარ გვედრზე ლალი მოროშკინა.

ნინა შადური