"საქართველოს გზის" საპატიო თავჯდომარე სალომე ზურაბიშვილი მიიჩნევს, რომ საინვესტიციო ფონდმა თბილისში შუშების აშენებას სჯობია სამეგრელოში არსებული კურორტები გააცოცხლოს.

„საქართველოს გზის“ ლიდერი ასევე საეჭვოდ მიიჩნევს გამგებლების გააქტიურებას, მაშინ როდესაც მათ ვადა ეწურებათ.

„არ მესმის, მენჯისის კურორტზე ხან ჩინელები და ხან თურქები დაჰყავთ. ...თბილისში შუშების სახლების აშენებას არ სჯობს სამეგრელოში ( "რომლის განვითარების ნიადაგზე უნდა მოგვიბრუნდეს აფხაზეთი", ხომ ასეა?) ისეთი ობიექტი როგორიცაა მენჯი. საინვესტიციო ფონდმა გააცოხცლოს და ამითი იქაური ხალხი დაასაქმოს და ამავე დროს სერიოზული ბიძგი მიცეს იმ მიმართულებას რომელიც საქართველოში პერსპექტიულია ანუ სამედიცინო საკურორტო ტურიზმი? ეს იმ შემთხვევაში თუ კი საინვესტიციო ფონდი საქართველოს განვითარების მიზანს ემსახურება! უცხო ინვესტიციები კარგი რამეა, მაგრამ როცა ქვეყანა ძლიერია და იმის ძალა გააჩნია, რომ სწორი პირობები დაუსვას იმ უცხო ინვესტორებს. განა ეს შეგვიძლია დღეს? და კიდევ რატომ ეს გააქტიურება გამგებლების თავიანთ ვადის ამოწურვის წინა პერიოდში... "ფული ვიშოვოთ სანამ დროა" ხომ არ ამოძრავებს მათ!“, - წერს ზურაბიშვილი.