ხოშტარია ობამას განცხადებაზე - ისტერიკაში ნუ ჩავარდებით

სოც.მედია - 11:10, 27 Mar, 2014

3827

ექსპერტი ელენე ხოშტარია აშშ-ს პრეზიდენტის ბარაკ ობამას გუშინდელ განცხადებას ეხმაურება.
როგორც ხოშტარია სოციალურ ქსელში წერს, ობამას განცხადება ცუდი, თუმცა, არასაგანგაშოა.
„ობამას განცხადება იყო, რა თქმა უნდა ცუდი, დროის გათვალისწინებით, მესიჯებით... ამასთანავე, მას არ უთქვამს, რომ საქართველო და უკრაინას ნატო-ში გზა აღარ აქვთ.

მან თქვა, რომ ამ ეტაპზე არ შედიან ნატო-ში უკრაინა და საქართველო, ანუ იგულისხმება ეხლანდელი სამიტი. ეს ისედაც არ იგეგმებოდა.

სიცუდე ის არის, რომ არ მოაყოლა ბუქარესტის ვალდებულება, ან map-ის შესაძლებლობა. თუმცა ეს არ ნიშნავს, რომ ჩვენ ნატო-ში აღარ შევდივართ. ამაზე კიდევ უფრო ცუდი იყო, როდესაც უკრაინის პერსპექტივაზე ლაპარაკობდა და რუსეთის პრობლემებს დაუკავშირა.

ერთიც გასათვალისწინებელია, რომ ეს იყო კითხვა-პასუხი, ანუ ამას ცუდი იმპროვიზაციის ელემენტებიც იყო.
ამიტომ, ჩემი აზრით, 1) არ გვესიამოვნოს, მაგრამ ნუ გადავწურავთ ყველაფერს და ისტერიკაში ნუ ჩავარდებით.
2) მთავრობამ გამართოს კონსულტაციები აშშ-ს მთავრობასთან და გააპროტესტოს, რომ ეს არ არის აშშ-ს ოფიციალური, წლების განმავლობაში ჩამოყალიბებულ პოზიცია.

3) იმუშავოს კონგრესთან გასაპროტესტებლად.

4) ნატო-ში გააკეთებინოს უახლოეს მომავალში განცხადება სწორი მესიჯები“, - წერს ელენე ხოშტარია „ფეისბუქის“ საკუთარ გვერდზე.

ნინა გოლოშვილი