თათუხაშვილის შვილმა სიკვდილის წინ წამების დეტალებზე ისაუბრა

სოც.მედია - 20:33, 24 Mar, 2014

11091

თავდაცვის ყოფილი მინისტრის მეუღლე გენერალ გოგი თათუხაშვილის შვილის გარდაცვალების ფაქტს ეხმიანება და წამების დეტალებს აღწერს:
„გენერალ გოგი თათუხაშვილის შვილი შალვა თათუხაშვილი (სურათზე დათასგან ხელმარცხნივ ზის) 2008 წლის აგვისტო. გამორჩეული სპეცრაზმელი, რომელმაც ომის დროს კანტუზია მიიღო, 26 მაისს ბურჯანაძის ექსკორტმა გადაუარა და უმძიმეს ტრამვებს დიდი ხანი მკურნალობდა. დღეს დილით კი დღევანდელი ხელისუფლების მსხვერპლი გახდა ეს ადამიანი, 34 წლის ვაჟკაცი, რომლის გულმაც ვერ გაუძლო პროკურატურის არაერთ ზეწოლას და წამებას. როგორც მისმა ოჯახის წევრებმა და მეგობრებმა მითხრეს, შალვას მოუსწრია მათთვის მოეყოლა იმ შემზარავი ფაქტების შესახებ რაც ქალაქის პროკურატურაში ძნელაშვილმა და გილაურმა (რომლებიც ბაჩოს საქმეების გამომძიებლები არიან) განახორციელეს მის მიმართ, როგორ აწამეს, ცივ წყალში აყოფინეს თავი და ყურთან იარაღიდან გასროლები მოახდინეს. უთხრეს, რომ მის მცირეწლოვან სკოლიდან მომავალ შვილს "შემთხვევით" შუქნიშანზე მანქანა გაიტანდა და მერე მკვლელს პროკურატურა საპროცესოთი გამოუშვებდა. როგორც იცით რამდენიმე დღე ყავდა პროკურატურას შალვა გატაცებული, იქ ცუდად გამხდარა და ამიტომ დააბრუნეს სახლში, რომ ხელში არ ჩაკვდომოდათ“, - წერს ნადარეიშვილი საკუთარ ვოლზე.

დათა ახალიას ხელმარცხნივ შალვა თათუხაშვილი