ღლონტი გვარამიას - ბატონო ნიკა, პირადად მე არათუ თანამოაზრედ, არამედ კოლეგადაც კი არ გთვლით

სოც.მედია - 20:10, 20 Mar, 2014

3659

ტელეკომპანია "მაესტროს" ერთერთი დამფუძნებელი მამუკა ღლონტი „რუსთავი 2“-ს გენერალური დირექტორის ნიკა გვარამიას მიერ „მაესტროსთვის" გადახდილ მადლობას ეხმაურება.
"ბატონ ნიკა გვარამიას, რომელმაც დღეს "მაესტროს" მადლობა გადაუხადა სატელევიზიო რეიტინგების პრობლემასთან დაკავშირებით დაკავებული სამართლიანი პოზიციისთვის, მსურს შევახსენო: ბატონო ნიკა ეს ის "მაესტროა" რომელშიც რეკლამის მიტანა აკრძალული იყო, რომლის წილ შემოსავალსაც, ტელეკომპანია "რუსთავი 2" და "იმედი" ინაწილებდით წლების განმავლობაში, ეს კი იმ ხელისუფლების პირობებში ხდებოდა, რომელსაც თქვენ ემსახურებოდით, სამწუხაროა რომ "მაესტროს" სამართლიანობა და ობიექტურობა, მხოლოდ ახლა დაინახეთ, არადა მუდამ საპირისპიროს ამტკიცებდით. ბატონო ნიკა პირადად მე "მაესტროს" ერთერთი მფლობელი, არათუ თანამოაზრედ, არამედ კოლეგადაც კი არ გთვლით. თუმცა მივესალმები იმას, რომ რაღაც-რაღაცეებზე თვალი აგეხილათ. პატივისცემით: მამუკა ღლონტი“, - წერს მამუკა ღლონტი "ფეისბუქში".
ნიკა გვარამია ეჭვობს, რომ „იმედი“ და „კავკასია“ ხელისუფლების ბინძურ თამაშში არიან ჩართული, რომელიც მისივე თქმით, მიზნად ისახავს საქართველოში მედიის განადგურებას. ტელეკომპანია "მესტროს" კი მადლობას უხდის, რადგან "ნამდვილად თავისი შემოსავლით არსებობს“.