თინა ხიდაშელი - უკრაინის მოვლენები გაცილებით დიდი პრობლემაა ვიდრე უკრაინის დანაწევრება ან ანექსია

სოც.მედია - 12:44, 20 Mar, 2014

863

უმრავლესობის წევრი თინა ხიდაშელი მიიჩნევს, რომ ის რაც დღეს უკრაინაში ხდება გაცილებით დიდი პრობლემაა ვიდრე მხოლოდ უკრაინის დანაწევრება ან ანექსიაა.
ამასთან დაკავშირებით ხიდაშელი „ფეისბუქის“ გვერდზე პოსტს აქვეყნებს. მისი თქმით, რუსეთთან მიმართებაში დასავლეთს ბევრი ალტერნატივა არ აქვს და საჭიროა სანქციები და გაფართოება.
„რუსეთს ალტერნატიული ცივილიზაციის პროექტი აქვს რომელსაც სისტემურად ანხორციელებს. ცივილიზაციის რომელიც ძირითადად ძალადობას და სისასტიკეს, არჩევანის მოსპობას, განსხვავებულის სიძულვილს და რეპრესიებს ეფუძნება. რუსეთმა 2008 წელს გამოსცადა მსოფლიო. პირველი ხელთათმანი ესროლა, პირველად შეამოწმა რეაქციის და პასუხის სიმწვავეზე. ყირიმი მხოლოდ მეორე ნაბიჯია. პუტინმა ძალიან ნათლად და გასგებად ილაპარა სამხრეთის ტერიტორიებზე, უკრაინელი და რუსი ერის ერთობაზე. ამაზე ცხადად არ ლაპარაკობენ. ამაზე ცხადად მხოლოდ მოქმედებს. დოქტორმა ბჟეჟინსკიმ იკითხა ენომიკურად სუსტი რუსეთი არის თუ არა მზად შუაგულ ევროპაში ომისთვის? კარგი კითხვაა მაგრამ ვფიქრობ პასუხი მასზე მარტივია. რუსეთი იმის მიხედვით გცემს პასუხს როდესაც მიიღებს პასუხს დემოკრატიული მსოფლიოსაგან. ისინი არიან თუ არა მზად ომისათვის რუსეთთან, რუსეთის პასუხი მხოლოდ დასავლეთის მზობაზეა დამოკიდებული, დღეს კი როდესაც რუსეთი გასაგებად საუბრობს მოქმედებს, როდესაც მისი ქმედებები მიზანმიმართული და ცალსახაა სწორედ იმ ახალი, ალტერნატიული ცივილიზაციის გამყარებისკენ, დასავლეთიც ასეთივე ცალსახა და ნათელი უნდა იყოს. დასავლეთს ბევრი ალტერნატივა არ აქვს, ვფიქრობ სწორი პასუხი ისეთივე ნათელი უნდა იყოს: ეს არ არის სანქციები. ეს არის გაფართოება. ამისათვის კი რამდენიმე სიტყვიანი სტრატეგია არის საჭირო: - უფრო გაბედული - ერთიანი (რუსეთი უნდა დარწმუნდეს რომ მას ერთ ენაზე და ერთი ხმით ელაპარაკებიან. სანამ იცის რომ თამაში აქვს, ზოგიერთს ცალკე გაზის ფასზე დაელაპარაკება, სხვებს ირანთან დახმარებაზე, მესამეებს სირიაზე, მანამდე რუსეთი ძლიერია და გამარჯვებული) - მტკიცე და დამაჯერებელი, რომ მზად არის სრულფასოვანი ადეკვატური პასუხისათვის შანსი და ადგილი სადაც ეს უნდა მოხდეს: ევროკავშირი ამერიკის სამიტი / ობამა ბრუსელში ეს არის მოკლე შინაარსი ჩემი საუბრებიდან და გამოსვლიდან ამ ერთი კვირის მანძილზე ამერიკაში“, - წერს ხიდაშელი.