საგარეო საქმეთა ყოფილი მინისტრი საყრდისისთან დაკავშირებით ხელისუფლებისგან განმარტებას ითხოვს - თუ რატომ ნადგურდება ქვეყნის კულტურული ძეგლი?

ამის შესახებ ზურაბიშვილი ,,ფეისბუქის“ გვერდზე წერს.

,,ნუთუ არ შეიძლება ვინმემ - მთავრობიდან, პარლამენტიდან, იმ ადამიანებიდან, ვინც დღეს იღებენ პასუხისმგებლობას მომავალ თაობების წინაშე (და ეს არაა პატარა პასუხისმგებლობა) კიდევ ერთი ჩვენი კულტურული ძეგლის განდაგურებაზე - ნუთუ არ შეიძლება გაგვცენ პასუხი, აგვიხსნან, განგვიმარტონ, დაგვარწმუნონ, რატომ უნდა განახლდეს საყრდისის აფეთქება-განადგურება.... რომ სხვა გზა არაა და სხვანაირად ვერ მოიქცევოდნენ და რატომ გასაგები ტერმინებით და აუცილებელი ზრდილობით საზოგადოების მიმართ.... მანამდე კი მეც და დანარჩენი საზოგადოება სხვა გზა არ გვენქნება და ვიფიქროთ, რომ ეხლაც როგორც მიშას დროს დიდი ფული იჭრება... და ქვეყნის ინტერესები ამ დროს მივიწყებულია“, - წერს სალომე ზურაბიშვილი.