პარტია „საქართველოს გზის“ საპატიო ლიდერი სალომე ზურაბიშვილი სოციალური ქსელის მეშვეობით „ტელეკომპანია „იმედს“ ბრალს უყურადღებობაში სდებს.

„ჩემი გასახსენებელი არ უნდა ყოფილიყო, მაგრამ კარგი იქნებოდა ტელე „იმედს“ გახსენებოდა და მოემზადებინა ჯანრი კაშიას გადაცემების შესახებ შემაჯამებელი .... ორი წლის თავზე...“,- წერს სალომე ზურაბიშვილი „ფეისბუქის“ საკუთარ გვერდზე.

შეგახსენებთ, რომ ჯანრი კაშია 2002-2005 წლებში „იმედის“ ეთერში უძღვებოდა გადაცემას - "ნადიმი ჯანრი კაშიასთან".

ცნობისთვის, სალომე ზურაბიშვილის მეუღლე ჯანრი კაშია გულის ოპერაციის შემდგომი გართულებების გამო 2 წლის წინ პარიზში გარდაიცვალა.

ნინა შადური