ნათია ფანჯიკიძე მოზარდებში მავნე ნივთიერებების მოხმარების პრევენციის ფორმებზე საუბრობს

სოც.მედია - 11:32, 10 Mar, 2014

1252

საქართველოს თავდაცვის მინისტრის მეუღლე ნათია ფანჯიკიძე სოციალური ქსელის მეშვეობით მავნე ნივთიერებების მოხმარების პრევენციის ფორმებზე საუბრობს.
„მეგობრებო, ძალიან მაინტერესებს თქვენი, როგორც მშობლების აზრი. არსად, ნორმალურ ქვეყანაში, მშობლის თანხმობის გარეშე არცერთ გარეშე პირს (ანუ არა მასწავლებელს და არა სკოლის თანამშრომელს) არ აქვს უფლება მიუხალოვდეს სკოლის მოსწავლეს და ჩაატაროს მასთან საუბარი.
ამიტომ მნიშვნელოვანია, რას ფიქრობთ თქვენ მავნე ნივთიერებების მოხმარების პრევენციის ამგვარ ფორმაზე, რომ ფსიქოლოგის თანხლებით ყოფილი მომხმარებლები, რომლებმაც კარგად გააცნობიერეს რამხელა ზიანი მიაყენეს საკუთარ თავს, ესაუბრონ უფროსკლასელებს და აუხსნან, რომ ნარკოტიკების მოხმარება არის უფსკრული.
მიუხედავად იმისა, რომ მშობლების უმეტესობას შვილი უფრო უმცროსად და გაუთვიცნობიერებლად ჰყავს აღქმული, ვიდრე ის ამ ასაკში რეალურად არის და ჰგონიათ ხოლმე, რომ მეცხრე კლასელისთვის ადრეა დავუშვათ, იმის ცოდნა, რომ კომბოსტოში არ გვიპოვეს ან ადრეა ნარკოტიკებზე საუბარი, რეალობა არის სხვა, - ბავშვები არათუ ყველაფერს ხედავენ და ყველაფერს იგებენ (ხშირად არასწორი ფორმით) არამედ, ყველაზე ხშირად მავნე ნივთიერებების მოსინჯვა იწყება 13-15 წლის ასაკიდან. ძალიან დამეხმარებით, თუ მომწერთ, მომხრე ხართ ამგვარი კამპანიის, თუ წინააღმდეგი“,- წერს ნათია ფანჯიკიძე.

ნინა შადური