ეროვნულ-დემოკრატიული პარტიის ლიდერი ბაჩუკი ქარდავა უკრაინის მოვლენებიდან გამომდინარე დასავლეთის ხელში არსებულ მნიშვნელოვან ბერკეტებზე საუბრობს და აღნიშნავს, რომ გარდა სახმდრო კომპონენტისა, არსებობს სხვა ბერკეტი, რაც რუსეთისთვის ბევრად უფრო დამანგრეველი აღმოჩნდება. ამის შესახებ ედპს ლიდერი ,,ფიესბუქის“ 2 მარტის პოსტში წერს.

,,დღეს, ამ 21-ე საუკუნეშიც კი, ძალიან ბევრი სუსტი ჭკუის მქონე ფიქრობს, რომ დასავლეთის ხელში მთავარი ბერკეტი სამხედრო კომპონენტია. ასეთი აზრები ჯერ ისევ პუტინისებრთა ტვინის უჯრედების მქონეებში წარმოიშვება ხოლმე.

თუმცა, რატომღაც ავიწყდებათ, რომ მსოფლიო პოლიტიკის ლექსიკონში არსებობს შემდეგი სიტყვები: ფული, სანქცია, ბირჟა... რაც დარწმუნებული ბრძანდებოდეთ კიდევ უფრო ძლიერი, დამანგრეველი და მტკივნეული შეიძლება აღმოჩნდეს რუსეთისთვის“, - წერს ედპ-ს ლიდერი.