ბრიტანელი ჟურნალისტი ედუარ ლუკასი Twitter-ის გვერდზე ავრცელებს ინფორმაციას, რომ ნატოს AWACS-ის ტიპის სადაზვერვო, შორი რადიოლოკაციური აღმოჩენის თვითმფრინავები ევროპის ცაზე გამოჩნდნენ.

„თუ თქვენ იმყოფებით აღმოსავლეთ ევროპაში შეხედეთ ცას. თქვენ დაინახავ ერთ ან ორ AWACS-ს. ნატო სერიოზული ხდება, თუმცა დაგვიანებით.“ - წერს The Economist-ის ჟურნალისტი.

AWACS-ის (Airborne Warning and Control System) შორი რადიოლოკაციური აღმოჩენის თვითმფრინავები სულ მცირე 400 კილომეტრ მანძილზე აღმოჩენის, თვალთვალის და დამიზნების საშუალებას იძლევა. ამ სისტემის უპირატესობას ასევე ის წარმოადგენს, რომ სახმელეთო და საზღვაო რადარებისაგან განსხვავებით, მისთვის დაბალ სიმაღლეზე მფრინავი ობიქტები უხილავი არ არის.