საგარეო საქმეთა ყოფილი მინისტრის სალომე ზურაბიშვილი კეზერაშვილის საქმეს ,,ფეისბუქის“ გვერდზე ეხმაურება.

,,ფრანგი პროკურორის "ბრალი" რამდენადაა არ ვიცი! მაგრამ რამდენად ვიცი ფრანგი პროკურორი იხელმძღვანელებდა საქართველოს მხრიდან გადაცემულ მტკიცებულებებით და დაიხმარებდა გაგზავნილ ჯგუფის რჩევებს... და ამდენად საქართველოს პროკურატურას მოეთხოვება პასუხი თუ კი ჩავთვლით რომ არა სათანადოდ იქნა ჩვენი მხარე წარდგენილი ამ პროცესზე. ანუ "უთანასწორო პირობები" ჩვენ შევქმენით, არა?... ისე თუ ასე ძალიან ცუდი შედეგია, რამეთუ ეს სასამართლო უნდა ყოფილიყო ერთრთი ყველაზე მნიშვნელოვანი ნაბიჯი წინა სისტემის სისტემურ დანაშაულის გასაშუქებლად და მისი მეთოდების გასაგებად, და ამავე დროს შანსი საქართველოს ბიუჯეტში საჭირო თანხების დაბრუნებისა.... ამ ცნობების შემყურე და ჩემი წინა პოსტის კახი კალაძეს გამოსვლის შეფასების პარალელურად, ვიმედოვნებ, რომ ეს ორი საკითხი დაკავშირებული არაა და კალაძეს მკაცრი განცხადება არ ემსახურება კეზერაშვილის საქმის გადაფარვას....“, - წერს სალომე ზურაბიშვილი.