სანდრო ბრეგაძე ხელისუფლების წარმმომადგენლებს ,,ნაციონალურ მოძრაობასთან“ გამართულ დებატებში პოზიციებს უწუნებს და მათ უნიჭო და პოლიტიკურად გამოცდელებს უწოდებს. ამის შესახებ ბრეგაძე ,,ფეიბუქის“ გვერდზე წერს.

,,არ შეიძლება, თვეში 4-5 ჯერ დებატები წააგო დამნაშავე ნაცბანდის წარმომადგენლებთან. არ შეგიძლია ძმაო???არ შეგიძლია დაო??? ნუ წახვალ დებატებზე. თუ არ იცი, სხვას შეეკითხე და გეტყვის, რომ პოლიტიკოსისთვის ტელეეკრანზე გამოჩენა კი არაა მთავარი, არამედ მთავარია არ გაგაბითურონ და არ დაგამარცხონ დებატებში. ამას თუ იმას დავამატებთ, რომ დამნაშავე, სუსტი პოზიციის, არამართალი ნაცბანდელები ახერხებენ ამას, უკვე ნათელი ხდება მარტივი ჭეშმარიტება, რომ რაოდენ უნიჭო, პოლიტიკურად გამოუცდელი უნდა იყო, რომ ნაცებთან დებატები წააგო. ებრაელებს აქვთ ერთი ბრძნული გამოთქმა - არც შენი იცოდე და არც სხვისი გაიგოო, მგონი ამ წყევლით ხართ ბევრნი დაწყევლილნი და რა გინდათ თავად არ იცით.

ძალაუნებურად (იმედია უნებლიედ) თქვენი სუსტი პოლიტიკური განათლებითა და სიბეცით აძლიერებთ 1 ოქტომბერს პოლიტიკურ სანაგვეზე აღმოჩენილ ნაცბანდას, თქვენი უნიათობით დებატებში ქეჩოში ხელს კიდებთ და ჭაობიდან ნაპირზე მოათრევთ. რა გჭირთ??? რა სენი გაქვთ შეყრილი??? გასაგებია, რომ პარლამენტსა თუ სხვა ადგილებზე შემთხვევით, სხვისი ავტორიტეტით და სხვისი პოლიტიკური კაპიტალით მოხვდით, მაგრამ ვერ ითამაშებ ჭადრაკს ჭიდაობისა და კრივის წესებით, ვერააა ვერ ითამაშებ და თუ კიდევ არ გჯერავთ, მაშინ იძულებულნი ვიქნებით დაგაჯეროთ. ქართული გამოთქმა - პური მეპურემ უნდა გამოაცხოს არ გჯერავთ??? დიდი შოთასი მაინც დაიჯერეთ - რაცა ვის რა ბედმან მისცეს, დასჯერდეს და მას უბნობდეს: მუშა მიწყივ მუშაკობდეს, მეომარი გულოვნობდეს!!!!!!!!

P.S. ერთი სახალისო იდეა მაქვს - ხომ არ შევიმუშავოთ ესეთი ტაქტიკა,ზოგიერთ პოლიტიკისგან შორს მდგომ პარლამენტარს შევუნარჩუნოთ დეპუტატის ხელფასი, სამთავრობო მანქანა და სხვა პრივილეგიები და ამავე დროს, მათ მაგივრად დებატებში გამოცდილი პოლიტიკური კადრები გაუშვათ, არ დავმარცხდებით მაინც!!!!!!!“, - წერს სანდრო ბრეგაძე.