საპარლამენტო უმცირესობის წევრი ნუგზარ წიკლაური ,,ფეიბუქის“ გვერდზე ეხმაურება ბაჩო ახალაიას ადვოკატის გოგა ონიანის დაკავების ფაქტს.

,,პოლიტიკოსების, ადგილობრივი ლიდერების, სამოქალაქო აქტივისტების შემდეგ ადვოკატების დროც დადგა.

ბაჩო ახალაიას ადვოკატის - გოგა ონიანის დაკავება თვალნათელს ხდის ხელისუფლების მძიმე კრიზისს, რაც სხვაგვარად მოაზროვნეთა ტოტალურ დევნაში გამოიხატა.

პროკურატურა გიორგი ონიანზე შურს იძიებს სამარცხვინოდ წაგებული საქმეების გამო.

საქართველო ემსგავსება რუსეთს, სადაც ადვოკატის დაკავება და ციხეში მოკვლაც კი დაშვებულია.

ხელისუფლება ყოველგვარ უკანონობაზე მიდის. საქმე ის არის, როდემდე მოითმენს ამ უმსგავსობას ჩვენი ბედნიერი ერი?“ -წერს ნუგზარ წიკლაური.