წუხელის იანუკოვიჩს უცილობლად მოინახულებდა კადაფის აჩრდილი, იმიტომ, რომ სწორედ მისი ბედისწერა უნდა ედგას თვალწინ თანამედროვე დიქტატორს, - წერს ჟურნალისტი ვიქტორია სიუმარი „5 არხის“ ფეისბუკზე.

„არ მჯერა, რომ სიტუაციის „ჩაქრობა“ შესაძლებელი იქნება რამენაირი კოალიციური ხელისუფლებითა თუ კონსტიტუციური რეფორმებით... დასავლეთის განცხადებები გასაგებია მათი ინტერესების თვალსაწიერიდან არ ჰქონდეთ აქ ომი. მაგრამ ძალიან ბევრი სისხლი, ტკივილი და სიძულვილია. „ბერკუტი“ უნდა დაიშალოს, მისი ხელმძღვანელობა გისოსებს მიღმა უნდა იყოს. მაგრამ იანუკოვიჩი ამას არასოდეს გააკეთებს, იმიტომ, რომ ეს მისი რეჟიმის დედაბოძია, რომელიც, ბოლო თვის მანძილზე, ლამის „სიმბოლოს“ დონეზე აიყვანეს აღმოსავლეთში. ხოლო „სიმბოლოებს“ არ სჯიან, მათ აგმირებენ... და ეს, რეჟიმის „დედაბოძი“, სინამდვილეში მისი საფლავის ქვა გახდება. ეს მხოლოდ დროის საკითხია. თანაც არც ისე დიდი ხნის. და რაც მთავარია: პრეზიდენტის სასახლის მდებარეობა ყველამ კარგად იცის - მეჟიგორიე. ავტობუსების გაგზავნა პირდაპირ იქ შეიძლება“, - წერს ჟურნალისტი.

censor.net.ua