„ჩვენ დღეს თქვენგან, როგორც ქვეყნის მეთაურისგან, მოვითხოვთ გადამწყვეტი ქმედებებისა და საგანგებო ზომების მიღებას. ამას ელოდება თვენგან ასი ათასობით ყირიმელი, რომლებმაც საპრეზიდენტო არჩევნებში თქვენ მოგცათ ხმა იმ იმედით, რომ ქვეყანაში იქნებოდა სტაბილურობა“ - ნათქვამია უმაღლესი საბჭოს საგანგებო განცხადებაში.

განცხადების ავტორები ირწმუნებიან, რომ ყირიმში უკიდურესად შეშფოთებულები არიან კიევში მიმდინარე მოვლენებით.

„ქუჩაში მიმდინარე ბრძოლები ამტკიცებს, რომ ოპოზიციამ ხელისუფლების მხრიდან დათმობები სისუსტედ შეაფასა, ამნისტია კი აღიქვა როგორც სულისმოთქმა ახალი შეტევის წინ“ - ასეთია ყირიმის უმაღლესი საბჭოს პოზიცია.

განცხადებაში ნათქვამია, რომ ქვეყანას კიდევ აქვს შანსი შეინარჩუნოს ძირითადი საკონსტიტუციო ინსტიტუტები და ქვეყნის მთლიანობა.