ავიაკომპანია Ethiopian Airlines-ის თვითმფრინავი, რომელიც ადის-აბებადან რომში მიემართებოდა, გამტაცებელმა, რომელიც მეორე პილოტი აღმოჩნდა, ის რომში დასვა.

ჟენევის აეროპორტში დაჯდომის შემდეგ, პილოტმა პოლიტიკური თავშესაფარი მოითხოვა და დააპატიმრეს.

ლაინერ Boeing 767-ის მგზავრებსა და ეკიპაჟის წევრთა შორის არავინ დაშავებულა.

შვეიცარიის პოლიციამ განაცხადა, რომ თვითმფრინავის მართვა მეორე პილოტმა ხელში ჩაიგდო, როდესაც მისი კოლეგა ტუალეტში გავიდა. ის პილოტების კაბინაში ჩაიკეტა, ხოლო ჟენევაში დაჯდომის შემდეგ, კაბინის ფანჯარა გახსნა და თოკით დაეშვა.

ჟენევის აეროპორტის ადმინისტრაციის ინფორმაციით, პილოტი 1983 წელს დაბადებული, ეთიოპიის მოქალაქეა.

ლაინერს დაჯდომისას შვეიცარიული სამხედრო თვითმფრინავები გვერდში მოჰყვებოდნენ.