უკრაინული მედიის ცნობით, 14-15 თებევალის ღამეს, კიევის მახლობლად და ზაპოროჟიაში, სამართალდამცავი ორგანოების მიერ ნაპოვნია ორი მამაკაცის გვამი. წინასწარი მონაცემებით, გარდაცვლილები მაიდანის მიტინგის მონაწილეები არიან. ერთი მსხვერპლი დაწვეს საკუთარ მანქანაში, ხოლო მეორე სასტიკადაა ნაცემი. უკრაინის შინაგან საქმეთა სამინისტრო ადასტურებს ორი პროტესტანტის დაღუპვის ფაქტს.

კიევთან გვამი სასტიკად დასახიჩრებულ მდგომარეობაში იპოვეს გლეხებმა, ხოლო ზაპოროჟიეში, ევრომაიდანის მეორე მონაწილე იპოვეს Toyota-ს მარკის მანქანაში დამწვარი. როგორც ,,УНИАН“ იტყობინება, უცნობებმა, ცეცხლსასროლი იარაღიდან საწვავის ავზს მაშინ ესროლეს, როდესაც მძღოლი მანქანაში იმყოფებოდა. საქმე აღძრულია მკვლელობის მუხლით.