9 თებერვალს ღამით, კიევში სასტიკად გაუსწორდნენ უკრაინის სტუდენტთა ასოციაციის ჩერნიგოვის რეგიონალური ოფისის ხელმძღვანელს, ალექსანდრე იასენჩუკს.

ალექსანდრე იასენჩუკი, ისევე როგორც მთლიანად უკრაინის სტუდენტთა ასოციაცია მეიდანზე შეკრებილ დემონსტრანტებს უჭერს მხარს. აქტივისტებთან შეხვედრის შემდეგ, სახლისკენ მიმავალ ალექსანდრე იასენჩუკს სამი მამაკაცი მიუახლოვდა და ფიზიკური შეურაცყოფა მიაყენა. უკრაინის სტუდენტთა ასოციაციის ჩერნიგოვის რეგიონალური ოფისის ხელმძღვანელი მეტალის ხელკეტებით სცემეს. ალექსანდრე იასენჩუკს თავის ტრამვა აქვს მიღებული, მას შვიდი ნაკერი დაადეს.

ალექსადრე იასენჩუკი უკრაინის ქალაქ ჩერნიგოვში გამართული საპროტესტო აქციების აქტიური თანამონაწილეა. ის ასევე კოორდინირებას უწევს კიევისათვის განკუთვნილ ჰუმანიტარულ დახმარებას. ალექსადრეს საჩივარი პოლიციამ არ დააკმაყოფილა. სამართალ დამცავები მას თავისუფლების აღკვეთით ემუქრებიან. ამჟამად ალექსანდრე იასენჩუკი საავადმყოფოში იმყოფება. ფიზიკური თუ ფსიქოლოგიური ზეწოლის მიუხედავად ალექსანდრე იასენჩუკი საჯარო კომენტარებისათვის მზადაა.

უკრაინის სტუდენტთა ასოციაცია - USA Ukraine ევროპის სახალხო პარტიის ევროპელ დემოკრატ სტუდენტთა კავშირის სრულ უფლებიანი წევრია.