პრეზიდენტი ვიქტორ იანუკოვიჩი მზადაა პარტია „უდარის“ მეთაურთან ვიტალი კლიჩლოსთან ტელედებატები ერთ-ერთ საზოგადოებრივ ტელეარხზე გამართოს.

ამის შესახებ პრეზიდენტის პრეს-სამსახური იტყობინება.

„ასეთი დებატების ჩატარების პრაქტიკა ყველა ცივილიზებულ ქვეყანაში არსებობს. იმისათვის, რომ ეს დებატები მაქსიმალურად ხელმისაწვდომი გახდეს ფართო საზოგადოებისათვის, და არამხოლოდ აუდიტორიისთვის, რომელიც დამოუკიდებლობის მოედანზე იმყოფება, შეთავაზებაა ისინი ჩატარდეს ერთ-ერთ საზოგადოებრივ ტელეარხზე“, - ნათქვამია განცხადებაში.

პრეს-სამსახური აღნიშნავს, რომ 25 იანვარს პოლიტიკური კრიზისის დარეგულირების სამუშაო ჯგუფის მორიგ შეხვედრაზე, იანუკოვიჩმა, ფართო საზოგადოებრივი დიალოგის უზრუნველსაყოფად, კლიჩკოს სახალხო დებატების გამართვა შეთავაზა, და ამ წინადადებას „უდარის“ ლიდერი დათანხმდა.

შეგახსენებთ, რომ 9 თებერვალს კლიჩკომ იანუკოვიჩი კიევში მაიდანზე დებატებში გამოიწვია.