როგორი შედეგიც არ უნდა აჩვენოს ოლიმპიადაზე ამერიკელმა ბობსლეისტმა ჯონი კუინმა, მან უკვე მიაღწია მსოფლიოში სახელის გათქმას. ამასთანავე, ნაკრების პარტნიორები, სხვა სპორტსმენები და გულშემატკივრები გაახალისა.

ამერიკელი ბობსლეისტი ჯონი კუინი, მას შემდეგ, რაც სოჭი-2014-ის ოილიმპიური სოფლის სასტუმროში ჩაკეტილი აბაზანიდან საკუთარი ძალის წყალობით გამოაღწია, კიდევ ერთ, ერთიმხრივ - კომიკურ, მეორემხრივ არასასიამოვნო სიტუაციაში აღმოჩნდა: ამერიკელი ლიფტში გაიჭედა.

ამის შესახებ, მან ოპერატიულად დაწერა საკუთარ ტვიტერზე. „გინდ დაიჯერეთ გინდ - არა, მაგრამ ეს წუთია ლიფტში გავიჭედეთ“, - დაწერა ბობსლეისტმა და შეტყობინებას ამსახველი ფოტოც თან დაურთო.

ცოტა ხნით ადრე, კუინს საკუთარი ნომრის აბაზანიდან გამოღწევა მოუწია. ვინაიდან იქიდან კავშირის დამყარების საშუალება არ იყო, იძულებული გახდა კარი გამოენგრია.

შემდეგ კვირაში, სპორტსმენს შეჯიბრება უწევს. იმედია, მისი მსვლელობისას, კუინს ბედი არ გასწირავს, და ყველგან შესვლას და გამოსვლად შეუფერხებლად შეძლებს.