მეიდანზე, სახალხო კრებამ რუსეთის ოპოზიციური არხის "Дождь"-ის მხარდამჭერი აქცია გამართა. დაახლოებით ასამდე აქციის მონაწილემ გაშლილი ქოლგებით ხელში ჩაიარა მეიდანზე. აქციის მონაწილეები სკანდირებდნენ: „ "Дождь" ჩვენ შენთან ვართ“, „რუსეთო აღსდექი“.

გაშლილი ქოლგების აქცია კიევში მას შემდეგ დაიგეგმა, რაც მოსკოვში პოლიციამ "Дождь"-ის მხარდამჭერი აქცია დაშალა და 40-მდე ადამიანი დააკავა.

პროტესტი გამოიწვია ყველა საკაბელო ოპერატორის ერთიანმა გადაწყვეტილებამ მომსახურების პაკეტიდან ამოეღოთ "Дождь". 30 იანვრის შემდეგ, რუსეთის ტერიტორიაზე არხი ვეღარ მაუწყებლობს. ის ერთადერთი სატელევიო არხი იყო, რომელიც უკრაინაში მიმდინარე მოვლენებს აშუქებდა. ოფიციალური ვერსიით, "Дождь"-ის დახურვა გამოიწვია ამავე არხზე ლენინგრადის ბლოკადასთან დაკავშირებულმა ინტერაქტიულმა გამოკითხვამ.