მამაკაცი, რომელიც 2014 წლის სოჭის ოლიმპიადის გახსნის ცერემონიალზე ოლიმპიური რგოლების განათებაზე იყო პასუხისმგებელი, სასტუმროს ნომერში მკვდარი იპოვეს.

ინფორმაციას „The daily currant“ ავრცელებს. გამოცემა წერს, რომ ბორის ავდეევი სასტუმროს ნომერში გარდაცვლილი დილით ნახეს. ცხედარს ცივი იარაღით მიყენებული მრავლობითი ჭრილობები და დაზიანებები აღენიშნებოდა.

ავდეევი ტექნიკური სპეციალისტი იყო, რომელიც უშუალოდ კურირებდა ოლიმპიური რგოლების განათებას, რომლის მეხუთ რგოლიც გახსნის ცერემონიალზე არ ფუნქციონირებდა.

რაც შეეხება ავდეევის გარდაცვალების დეტალებს, გამოცემა კანადის ბობსლეის გუნდის წევრის კომენტარსაც აქვეყნებს, რომელიც ამავე სასტუმროს ნომერში ცხოვრობს.

გაი ლაფლერი ამბოს, რომ შუაღამეს მას ხმაური შემოესმა.

,, ვცადე ტელეფონით დამერეკა ამბის გასარკვევად, თუმცა აღმოაჩნდა, რომ სასტუმროს ტელეფონი არ მუშაობდა. მე წავედი იმ ოთახისკენ, საიდანაც ხმაური ისმოდა და დავინახე, რომ ოთახი სამმა დიდმა მამაკაცმა დატოვა. მივხვდი, რომ ის პრობლემა იყო და ისევ ჩემს ოთახში დავბრუნდი“, - ჰყვება ლაფლერი.

ლაფლერმა ნანახის შესახებ პოლიცელებს უამბო, თუმცა პოლიციისგან პასუხად მიიღო, რომ ყველაფერი დაევიწყებინა. ,,ისინი ძალიან დაშინებული იყვნენ“, - ამბობს გამოცემასთან სპორტსმენი.

სოჭის ოლიმპიადის გახსნის ცერემონია ტექნიკური ხარვეზით დაიწყო, ოლიმპიადის სიმბოლო რგოლებიდან, მეხუთე რგოლი არ გაიხსნა, რამას დიდი გამოხმაურბა გამოიწვია საერთაშორისო მედიასა და სოციალურ ქსელებში.

გავრცელებული მოსაზრებით, ტექნიკურ დეტალებზე პასუხისმგებელი ბორის ავდეევი სწორედ ამ ხარვეზს ემსხვერპლა.