დღეს სოჭის ოლიმპიადაზე საქართველოს დროშა ეროვნული ჰიმნის თანხლებით აღიმართება. საზეიმო ცერემონიას საქართველოს მხრიდან ოლიმპიური კომიტეტის ვიცე-პრეზიდენტი მამუკა ხაბარელი დაესწრება რომელსაც მასპინძლობას სოჭის მერი გაუწევს.

ცერემონიის ფარგლებში, მხარეები, ტრადიციულად, სიმბოლურ საჩუქრებს გაცვლიან. როგორც ჟურნალისტებს საქართველოს ეროვნული ოლიმპიური კომიტეტის ვიცე-პრეზიდენტმა მამუკა ხაბარელმა განუცხადა, მან უკვე დაათვალიერა ის ორი ოლიმპიური სოფელი, სადაც ქართველი სპორტსმენები განთავსდებიან.

მისივე თქმით, საცხოვრებელი ადგილები კეთილმოწყობილია და ყველანაირ სტანდარტებს აკმაყოფილებს.

2014 წლის ზამთრის ოლიმპიადაში მონაწილე ქართველი სპორტსმენები სოჭში რამდენიმე წუთის წინ გაემგზავრნენ.

ქართული დელეგაციის 16-კაციანი შემადგენლობის ნაწილი სოჭში უკვე ჩასულია, მათ ეროვნული ოლიმპიური კომიტეტის ვიცე-პრეზიდენტი მამუკა ხაბარელი ხელმძღვანელობს.