საპარლამენტო უმცირესობის წევრი დავით საყვარელიძე გოგი გვახარიას ბლოგს პაუსხობს. გვახარია საკუთარ ბლოგში პინოჩეტის რეჟიმის მიმართ ,,ნაციონალური მოძრაობის“ ,,აღფრთოვანებაზე“ წერს და ამის დასტურად პირად საუბრებს ასახელებს.

"ასავალ-დასავალის დონეზე თუ დაეცემოდა, არ მეგონა. ვინ უთხრა, ეგეც დაასახელოს ბარემ, რახან ასე დამაჯერებლად სიბინძურეს სიბინძურეზე თხზავს? ასეთი აზრები რომ მოსდის, უკვე ავადმყოფობაა თავისთავად. მე კიდევ გავიგე, რომ ეს ფისო-კაცი ჩვილი ბავშვებისგან გაკეთებულ სუპს მიირთმევს," _ წერს საყვარელიძე.

"მერაბიშვილის სიტყვებმა გამახსენა ის აღფრთოვანება, რომელიც არასდროს დაუმალავთ ნაცმოძრაობის მხარდამჭერებს - აღფრთოვანება პინოჩეტისა და მისი რეჟიმის მიმართ. პირადად უთქვამთ ჩემთვის, რა არის სტადიონზე დახვრეტილი კომუნისტები, როცა ჩილეს, როგორც სახელმწიფოს, სრული კატასტროფა ემუქრებოდაო. რა ვიცი, აქ მე ვერ ვხედავ დიდ განსხვავებას “პინოჩეტიზმს” და “ჩეგევარიზმს” შორის. მსხვერპლი მსხვერპლია, სულ ერთია, რა მიზნითაც უნდა ტარდებოდეს მსხვერპლშეწირვის ეს არქაული რიტუალი. ჰოდა დისკუსია სწორედ იმიტომაა საჭირო, რომ ამ ქვეყნის მოქალაქეებმა ერთად მიაგნონ გზას უმსხვერპლოდ ცხოვრების დასაწყებად," _ წერს გოგი გვახარია საკუთარ ბლოგში.