სოჭში ოლიმპიური სოფლის მედია განყოფილებაში დღეს ევაკუაცია გამოცხადდა. ინფორმაციას რუსული მედია ავრცელებს. მათი ინფორმაციით, მიზეზი ოთახში მოწეული სიგარეტი გახდა. ჟურნალისტებს სასტუმრო დატოვება გარკვეული პერიოდით მოუწიათ. ჟურნალისტმა საკუთარ ნომერში სიგარეტის მოწევა მოისურვა, რის შემდეგაც საავარიო სიგნალიზაცია ჩაირთო. სასტუმროს ადმინისტრაცია ევაკუაციის შესახებ ინფორმაცია უარყოფს. „ნამდვილად, დილით ჩაირთო სიგნალიზაცია, თუმცა ეს ტექნიკური პრობლემა იყო. არანაირი ევაკუაცია და პანიკა არ ყოფილა“, - განუცხადეს РИА Новости-ს ჟურნალისტს სასტუმროს ადმინისტრაციაში.