სოჭის ოლიმპიადის მონაწილე ავსტრიელმა სპორტსმენებმა ანონიმური წერილები მიიღეს, რომელშიც მათ გატაცებით ემუქრებოდნენ. აღნიშნულ ფაქტთან დაკავშირებით გამოძიება უკვე დაიწყო.

ზამთრის 2014 წლის ოლიმპიურ თამაშებამდე ორი დღე რჩება. სოჭის ოლიმპიადაზე დასასწრებად, სავარაუდოდ, 40-მდე ქვეყნის ლიდერი ჩავა, მათ შორის სერბეთის, ხორვატიის, მონტენეგროს და საბერძნეთის პირველი პირები.

გავრცელდა ინფორმაცია, რომ სოჭში ჩასვლას გეგმავს უკრაინის პრეზიდენტიც. მიწვეულ სტუმრებს ვლადიმერ პუტინი სანატორიუმ "რუსში" უმასპინძლებს.

"რუსში" ოლიმპიადის აღსანიშნად ერთი ოფიციალური მიღება გუშინ გაიმართა, მეორე კი 7 თებერვალს მოეწყობა. მიღებას მხოლოდ 150 სტუმარი დაესწრება - ოლიმპიური კომიტეტის პრეზიდენტი, წევრები და სოჭში ჩასული ლიდერები.