„ჩვენ მივესალმებით და მხარს უჭერთ საქართველოს ხელისუფლების გადაწყვეტილებას,ოლიმპიურ თამაშებში საქართველოს მონაწილეობასთან დაკავშირებით და ვფიქრობთ ეს არის სწორი და მართებული გადაწყვეტილება“ - ამის შესახებ ნატოს გენერალრი მდივნის სპეციალურმა წარმომადგენელმა ჯეიმს აპატურაიმ „საზოგადოებრივ მაუწყებელთან“ მიცემულ ინტერვიუში განაცხადა.

აპატურაის თქმით, რუსეთთან ურთიერთობის ნორმალიზება ძალიან კარგია და ის მიდგომა, რომელიც ამ საკითხზე აქვს საქართველოს ხელისუფლებას, ალიანსში დადებითად არის შეფასებული.

„რა თქმა უნდა სპორტი ყოველთვის არის შესაძლებლობა, რომ პოლიტიკას გაცდე. იმ ქვეყნების წარმომდგენლებისთვის, რომლების დიპლომატიის ან სამხედრო სფეროში არ თანამშრომლობენ, ეს შეხვედრის შესაძლებლობაა. ჩვენი მხარდაჭერა საქართველოს მიმართ რჩება ძლიერი და ის ფაქტი, რომ ჩვენ საქართველოს მხარს უჭერთ არ შეიცვლება. თუ საქართველოს მონაწილეობა ოლიმპიადაში უკვე იძლევა იმის შესაძლებლობას, რომ ქართველებმა და რუსებმა უკეთ გაუგონ ერთმანეთს, ეს ყველასთვის სასარგებლოა და ვფიქრობ საქართველოს მთვარობის მხრიდან მონაწილეობა ნამდვილად კარგი გადაწყვეტილება იყო. როგორც კანადელი, არ ვარ დარწმუნებული ჰყავს თუ არა საქართველოს ჰოკეის გუნდი, მაგრამ წარმატებას ვუსურვებ საქართველოს ნაკრებს ოლიმპიადაზე“ - განაცხადა აპატურაიმ.

ნატოს გენერალური მდივნის სპეციალურმა წარმომადგენელმა საქართველო-რუსეთის და საქართველო-ნატოს ურთიერთობაზეც ისაუბრა და აღნიშნა, რომ "ეს ორი ერთმანეთის საპირისპირო არ არის".

„ნატოს თვალთახედვით, ახალი მთავრობის მიდგომა, რომელიც არც ისე ახალია არის კარგი. არ ვიტყოდი, რომ ის ფუნდამენტურად განსხვავდება წინა მთავრობისგან, ეს არის მყარად დგომა ევროატლანტიკურ გზაზე, რასაც ჩვენ პატივს ვცემთ და მხარს ვუჭერთ. ასევე რუსეთთან კარგი ურთიერთობის დამყარების მცდელობა, ეს ორი რამ ერთმანეთის საპირისპირო არ არის. ჩვენს გვსურს ურთიერთობის გაღრმავება, მაგრამ ნატოს ღია კარის პოლიტიკა არის ის რაც დამფუძვნებელ ქარტიაში წერია და ეს არ შეიცვლება. კითხვები ბევრ წილად არის როდის და როგორ? ეს ძირითადად ასპირანტ ქვეყნებზეა დამოკიდებული. ასე, რომ ჩვენ მხარს უჭერთ იმ მიმართულებებს, რომელსაც საქართველოს მთავრობა მიჰყვება,“ - განაცხადა ჯეიმს აპატურაიმ.