მოსკოვის ნომერ 263-ე სკოლაში მძევლების ამყვანი განეიტრალებულია.

ამის შესახებ რუსეთის შსს იტყობინება.

დამნაშავე იმავე სკოლის უფროსკლასელი აღმოჩნდა. შსს არ აკონკრეტებს, ის მოკლეს თუ დააკავეს. ტელეარხ Life News-ის ინფორმაციის ის პოლიციამ დააკავა. დაუდასტურებელი ინფორმაციით, ერთ-ერთი მასწავლებელი და პოლიციელი მოკლულები არიან, ხოლო კიდევ ერთი სამართალდამცავი დაჭრილია. ყველა მძევალი გათავისუფლებულია.

მოთხოვნების წაყენება დამნაშავემ ვერ მოასწრო, ამიტომ თავდასხმის მოტივები უცნობია.