"უკრაინის მოსახლეობის უმეტეს ნაწილს თავისუფალ, უსაფრთხო და განვითარებულ სახელმწიფოში ცხოვრება სურს. ისინი იბრძვიან ამ უფლებისათვის პარტნიორებთან ერთად, რომლებიც მათ ამ მისწრაფებაში ეხმარებიან. მათ გადაწყვიტეს, რომ ქვეყნის მომავალი მხოლოდ ერთ სახელმწიფოზე არ უნდა იყოს დამოკიდებული. აშშ და ევროკავშირი უკრაინას ამ ბრძოლაში გვერდში უდგანან. რაც შეეხება რუსეთს, მას უკრაინის მოვლენებში ასეთი მკვეთრი რეაქცია არ უნდა ჰქონდეს“, – განაცხადა ჯონ კერიმ.

გერმანიაში მიუნხენის 50-ე უსაფრთხოების კონფერენცია მიმდინარეობს, რომელსაც საქართველოს დელეგაციაც ესწრება. ქართულ დელეგაციას ირაკლი ღარიბაშვილი ხელმძღვანელობს.