„ბატკივშინას“ ოფისი ჩხრეკის შედეგად ამოღებული სერვერის შესწავლის შემდეგ უშიშროების სამსახრუმა გადაწყვიტა სახელმწიფო გადატრიალების მუხლით აღძრას საქმე. ამის შესახებ კიევში ოფიციალური წყაროები იტყობინებიან.

„ამოღებული მასალებიდან ჩანს, რომ აქციების დაგეგმვისას მოვლენების ძალისმიერ განვითარების შესაძლებლობასაც განიხილავდნენ. ანუ, მათ ხელისუფლება ძალის გამოყნებაზე უნდა გამოევითა, რასაც ფართო რეზონანსი მოჰყვებოდა ხალხში, ქვეყნის პრეზიდენტს და მთავრობას კი იმიჯი შეელახებოდათ. - განაცხადა უკრაინის უშიშროების სამსახურის ერთ-ერთმა ჩინოვნიკმა მაქსიმ ლენკომ.

მისივე განმარტებით, მიუხედავად იმისა რომ ყველა მონაცემი ძიებას დამუშავებული ჯერ არა აქვს, საქმის აღძვრის საშუალებას უკვე შესწავლილი მასალები იძლევა. „ბატკიშინას“ ოფისში მიიჩნევენ, რომ შსს კვლავ ვითარების გამწვავებისკენ მიდის.

„თუკი შსს-ს ფსევდო ლოგიკით ვიმსჯელებთ, მაშინ გამოდის, რომ „ბატკიშინამ“ აიძულა იანუკოვიჩი უარი ეთქვა ევროკავშირთან ასოცირების ხელშეკრულებაზე. ეს „ბატკიშინას“ შს ფორმებში გადაცმულმა წევრებმა დაარბიეს სასტიკად მშვიდობიანი მოსახლეობა. ხელყუმბარებიც თავად ესროლეს მომიტინგეებს, ხალხსაც იტაცებდნენ და სცემდნენ“ - ნათქვამია „ბატკიშინას“ მიერ გავრცელებულ საგანგებო განცხადებაში.