მოძრაობა ,,დაბრუნების" თავმჯდომარე მალხაზ პატარაია საქართველოს ხელისუფლების ქმედებას კრემლის პოლიტიკას ადარებს.

,,ხელისუფლების ამჟამინდელი ისტერია მუხროვანის ამბოხზე, ჩემი აზრით, არის კრემლის პასუხი მიხეილ სააკაშვილის ბოლო მწვავე წერილზე "The Wall Sreet Journal"–ში უკრაინის მოვლენების შესახებ, რომელმაც, როგორც ჩანს, სერიოზული აღაშფოთა პუტინი.

კრემლის ისტერია ჩვენს ხელისუფლებასაც გადმოედო და ისევ ნაცად ხერხს მიმართეს–,,კუდიანებზე ნადირობის“ ვიდეოსერიალის მორიგი რგოლი გადმოგვიგდეს ბატონის საამებლად და ჩვენს გასაბითურებლად. ამასობაში ქართული ღვინით ხელდამშვენებულები არხეინად მიიპარებიან სოჭის ოლიმპიადაზე. ღარიბაშვილი კიდევ აცხადებს, რომ ტერიტორიული მთლიანობის პრობლემის გადაწყვეტის ფორმულა არის სეპარატისტებთან დიალოგი მოსკოვის დაინტერესებით და პატიოსანი (!) მონაწილეობით. სამომავლოდ მათთვის რაღაც ახალი სტატუსის განსაზღვრასაც აპირებს. ალბათ, რესპუბლიკური სექტის ცნობილი კონცეფციიდან. მაგრამ ეს ეხლა ვისღა ახსოვს", - წერს მოძრაობა ,,დაბრუნების" თავმჯდომარე მალხაზ პატარაია ,,ფეისბუქის" გვერდზე.