მოსკოვში ,,მომხმარებელთა უფლებების დაცვის კავშირის“ ოფისში 50-მდე ნიღბიანი შეიჭრა. ამის შესახებ ინფორმცია ტელეკომპანია ,,დოჟდს“ ორგანიზაციის ხელმძღვანელმა მიხეილ ანშაკოვმა მიაწოდა, - იტყობინება რადიო თავისუფლება.

ანშაკოვის სიტყვებით, მათ ოფისში თავდამსხმელები ეძებდნენ ,,მაიდანის სოლიდარობის კომიტეტს“. მან ასევე განაცხადა, რომ იბრძოლებს სისხლის სამართლის საქმის აღძვრისთვის. თვითმხილველთა სიტყვებით, დაახლოებით, 50-მდე ძალისმიერმა ჩაატარა საგამოძიებო მომქმედებები ორგანზიაცია ,,მომხმარებელთა დაცვის კავშირის“ შენობაში.

,,მაიდანის სოლიდარობის კომიტეტის“ შექმნის შესახებ ადრე განაცხადა რუსეთის პრეზიდენტის ყოფილმა მრჩეველმა ანდრეი ილარიონოვმა. თავის ბლოგზე ის წერდა, რომ ორგანიზაცია აგროვებს ჰუმანიტარულ დახმარებას მაიდანის მონაწილეებისა და დაზარალებული აქტივისტების დასახმარებლად. კომიტეტი აგრეთვე გეგმავს გაუწიოს ორგანიზება აქციას მაიდანის მხარდასაჭერად. 2 თებერვალს ისინი გეგმავენ მოსკოვში უკრაინის საელჩოს პიკეტირებას.

ილარიონოვი აცხადებს, რომ კომიტეტმა მიზნად დაისახა, ობიექტური ინფორმაციის გავრცელება უკრაინაში მიმდინარე მოვლენებთან დაკავშირებით.