ციხის სკანდალური კადრების ერთ-ერთი ავტორი ლადო ბედუკაძე გუშინ სციალური ქსელით გავრცელებულ სკანდალურ ვიდეომასალას ეხმაურება.

ბედუკაძე „ნაციონალური მოძრაობის“ ერთ-ერთი წევრს დავით საყვარელიძის იმ განცხადებას პასუხობს, სადაც საყვარელიძე ამბობს, რომ 2009 წლის მაისში საქართველოში ადგილი ჰქონდა შეიარაღებულ ამბოხს სახელმწიფოს წინააღმდეგ, რომლის მიზანი იყო კონსტიტუციური წყობის დამხობა.

„ავადმყოფი ადამიანის შიზოფრენიული მოვლენები იყო“ დავით ახალგაზრდა ბიჭი ხარ, ქართველი ხარ ბოლო ბოლო. გამოფხიზლდი! აღიარე კაცურად, რომ არანაირ შეიარაღებულ ამბოხს სახელმწიფოს წინააღმდეგ ადგილი არ ჰქონია და ეს ერთი ავადმყოფი ადამიანის შიზოფრენიული მოვლენები იყო. რა რუსეთის სპეცსამსახური? გეყოფათ! ..დაშალეთ,გაანადგურეთ ქართული არმია,ჩაკალით მასში მებრძოლი სული,იცოდით რა, რომ პროვოკაციულად წამოწყებულ ომს და მსხვერპლს არ გაპატიებდნენ. გეშინოდათ უბრალოდ და სპეციალურად დადგით ეს სპექტაკლიც , რასაც შემდგომ შეიარაღებული ამბოხი დაარქვით და სიცოცხლეს გამოასალმეთ გენერალი კრიალაშვილი!“ - წერს ბედუკაძე საკუთარი ფეისბუქის გვერძე.