ექიმების ცნობით, იანუკოვიჩს მწვავე რესპირატორული დაავადება აქვს, იუწყება პრეზიდენტის პრეს-სამსახური.

„უკრაინის პრეზიდენტს მწვავე რესპირატორული დაავადება აქვს, რასაც მაღალი ტემპერატურაც ერთვის“, - ამბობს სამედიცინო საკითხებში სახელმწიფო საქმეთა სამმართველოს ხელმძღვანელი ალექანდრე ორდა.

როგორც ცნობილია, 29 იანვარს, საღამოს, იანუკოვიჩი პარტია რეგიონების ფრაქციასთან, უმაღლესი რადას სარდაფში, კრებას ატარებდა. როგორც ერთ-ერთმა რეგიონალმა აღნიშნა, პრეზიდენტი პარლამენტში „მარმარილოსავით თეთრი“ მივიდა. მან დეპუტატებს უთხრა, რომ პირდაპირ საავადმყოფოდან მოდიოდა.

„მე სისხლდენა მქონდა, წვეთოვანზე ვიყავი. მაგრამ რომ დავინახე აქ რა ხდებოდა, თქვენთან მოვედი“, - გაიმეორა დეპუტატმა იანუკოვიჩი სიტყვები.