„პრინციპში ჩვენ ველოდეით ასეთ შედეგს. აზაროვის პარალელურად პარტიის დატოვება დაიწყეს თავად „რეგიონის“ წევრებმაც. ჩვენ უკვე ჩავატარეთ მოლაპარაკებათა ოთხი რაუნდი. იანუკოვიჩმა ნათლად შესთავაზა იაცენუკს პრემიერის პოსტი. ასე, რომ ჩვენ ველოდით აზაროვის გადადგომას,“ - განაცხადა ტიაგნიბოკმა.

უკრაინის მთავრობის წევრების განცხადებით კი, აზაროვის გადადგომასთან დაკავშირებით საბოლოო გადაწყვეტილებას იანუკოვიჩი მიიღებს.

„ჩვენი კანონმდებლობის თანახმად პრემიერის განცხადება პოსტის დატოვებაზე, ჯერ არ ნიშნავს გადადგომას. ეს განცხადება პრეზიდენტმა უნდა მიიღოს და დაადასტუროს, მაგრამ ეს სერიოზული ნაბიჯია. როდესაც ხელისუფლება ოპოზიციის ლიდერს სთავაზობს კაბინეტის ხელმძღვანელობას, ეს ნიშნავს იმას, რომ ჩვენ ძალიან სერიოზული სუბიექტები ვართ. ამ ეტაპზე ოპოზიციამ უარი თქვა. არ ვიცი როგორ დასრულდება მოლაპარაკებები,“ - აცხადებს „რეგიონის“ ერთ-ერთი წევრი.