იბადება კითხვა: ვის აქვს ფული? ყველამ იცის, რომ ფული აქვს რუსეთს. მას ხომ აქვს სიმდიდრე ციმბირში, რაც სხვებს არ აქვთ. ნაპოლეონს სურდა მათი დაპყრობა, გიტლერმაც სცადა, მადლენ ოლბრაიტიც კი ამბობდა, რომ უსამართლობაა, როცა ასე ცოტა ხალხი ცხოვრობს ამხელა ტერიტორიაზე...

ამის შესახებ სერბი რეჟისორი რუსულ და უკრაინულ გამოცემებთან ინტერვიუში საუბრობს.

კუშტურიცა, რომელმაც მხოლოდ ბოლო წუთს გადაიფიქრა ანტიქართული ფილმის გადაღება 2008 წლის მოვლენებზე, ამჯერად, უკრაინაში, ევრომაიდანზე განვითარებულ მოვლენებს სკეპტიკურად უყურებს და მიიჩნევს ,, უკრაინა და საქართველო ევროკავშირისაკენ კი არა, რუსეთთან თანამშრომლობისკენ უნდა ისწრაფვოდნენ!“. კუშტურიცა აცხადებსს, რომ ,,უკრაინა უკვე იმდენად დემოკრატიულია, რამდენადაც საჭიროა. მაგრამ ათი წლის შემდეგ, უფრო დემოკრატიულები იქნებით, თუ რუსეთთან დარჩებით, ვიდრე მაშინ, თუ ევროპისგან თავსმოხვეულ დემოკრატიას მიიღებთ", - აღნიშნავს რეჟისორი.

რეჟისორი მიიჩნევს, რომ უკრაინელები რუსები არიან:

„ჩემი აზრით, აქ არაფერია ასარჩევი. თქვენ რუსულად ლაპარაკობთ, რუსული კულტურის ნაწილი ხართ. თქვენი მოსახლეობის უმრავლესობა მართლმადიდებელია. გარკვეულწილად, რუსეთის წარმოშობა კიევს უკავშირდება, ახლა კი ცდილობთ გადაწყვიტოთ, წახვიდეთ ევროპისკენ თუ არა? „ომსა და მშვიდობაში" ერთ-ერთი პერსონაჟი კითხულობს: როდისღა მოვა ნაპოლეონი და გარდაქმნის რუსებს ევროპელებადო? ეს არასოდეს მოხდება. თქვენ უკვე ხართ ევროპაში", - განაცხადა ემირ კუშტურიცამ.

,,მე, რომ რუსი ვყოფილიყავი, ხმას პუტინს მივცემდი. სტაბილური ქვეყანა ბევრად უკეთესია იმ ქვეყანაზე, რომელიც ექსპერიმენტებს ატარებს და ადამიანების გრძნობებით თამაშობს”, – განაცხადა რეჟისორმა.