დარტყმის მიზანი იყო საერთაშორისო ტერორისტულ ქსელ „ალ-ქაიდასთან“ კავშირში ეჭვმიტანილი ერთ-ერთი დაჯგუფების საველე მეთაურის განადგურება.

აშშ-მ სომალის სამხრეთში ტერორისტების სავარაუდო ბაზაზე სარაკეტო დარტყმა განახორციელა, - იტყობინება პენტაგონის წყაროზე დაყრდნობით სააგენტო Reuters.

ამერიკული ხელმძღვანელობის სამიზნე იყო ტერორისტების ერთ-ერთი ლიდერი, „ალ-ქაიდასა“ და დაჯგუფება „აშ-შაბაბთან“ კავშირის მქონე. სააგენტოს ინფორმაციით, საველე მეთაური საჰალ ისკუდჰუკი, დაახლოებული „აშ-შაბაბის“ ხელმძღვანელობასთან, მოკლული იქნა მას შემდეგ, რაც მის ავტომობილს რაკეტა მოხვდა.