,,თუმცა კიევის მოვლენები ევროკავშირს აყენებს მათთვის არაკომფორტული ფაქტის წინაშე: ევროპის მომავალს განსაზღვრავს არა მხოლოდ ,,წითელი ციფრები“, არამედ სისხლი -დაღვრილი უკრაინულ თოვლზე.

ევროპელებმა უკრაინასთან ჩაფლავებულ მოლაპარაკებებში უნდა გაითავისონ თავიანთი წილი პასუხსიმგებლობა და ამით ისინი თავიანთ თავს დაეხმარებიან, რადგან ,,ბუნტი“ კიევში ევროკავშირის მთავარ საფუძვლებს ეხება“ - ამტკიცებს ავტორი.

გერმანელი მიმომხილველი მიიჩნევს, რომ „ევროპელების მთავარი შეცდომა მდგომარეობს არამხოლოდ იმაში, რომ მათ ვერ მოახერხეს ყოფილი პრემიერის იულია ტიმოშენკოს გათავისუფლების შესახებ შეთანხმების მიღწევა, არამედ იმაში, რომ ისინი ,,წამოეგენ“ იანუკოვიჩის თამაშს ,მისი ევროპისადმი კეთილგანწყობის კუთხით, და არ გაითვალისწინეს რუსეთის პრეზიდენტის პუტინის რეალური მიზანი - ჩაეშალა შეთანხმების ხელმოწერა.

,,ეს სულაც არ ნიშნავს იმას, რომ სიტუაციის საშინლად დაძაბვის მთავარი დამნაშავეები უკრაინის ფარგლებს გარეთ უნდა ვეძებოთ“, - დასძენს ბრესლერი. დამნაშავეები პირველ რიგში არიან ,,კორუმპირებული პრეზიდენტი, რომელიც პირადი მოგების საფასურად მზად არის ქვეყანას თავს დაატეხოს ნებისმიერი ზარალი, ამასთან ერთად არ მოერიდოს დაუნდობელ ძალადობას“, და ,,ოპოზიცია, რომელსაც აერთიანებს, როგორც სჩანს, მხოლოდ ერთი - რადიკალიზმი“.

,,სწორედ ამიტომ, ვითარება გამოიყურება ასე უიმედოდ, ევროპელები ვალდებულნი არიან სცადონ და გამოიყენონ გავლენის ყველა შესაძლო მეთოდი“, - მიიჩნევს კორესპონდენტი. ის თვლის, რომ მიზანშეწონილია, საფრანგეთი, გერმანიის და პოლონეთის საგარეო საქმეთა მინისტრები გამოვიდნენ ერთობლივი განცხადებით, სადაც მკვეთრად დააფიქსირებენ თავიანთ პოზიციას, და თან ეს უნდა მოხდეს რაც შეიძლება სწრაფად და უშუალოდ კიევში.

გარდა ამისა, ბრესლერი ევროკავშირს მოუწოდებს, შემოღებული იქნას ეკონომიკური სანქციები იანუკოვიჩისა და მისი გუნდის წინააღმდეგ“: უკრაინის შემთხვევაში ეს ტაქტიკა შესაძლოა გამოდგეს ბევრად უფრო შედეგზე ორიენტირებული, ვიდრე ეს ბელორუსიის შემთხვევაში იყო, რამდენადაც არც ისე მაყარია იანუკოვიჩის ძალაუფლება, როგორც ალექსანდრე ლუკაშენკოსი, და მეორე, იანუკოვიჩის მხარდამჭერი ოლიგარქები მანამ სანამ მიიღებენ რაიმე გადაწყვეტილებას, ჯერ შეხედავენ თუ რა დაუჯდებათ ეს მათ“.

,,კიევის კრიზისში ევროკავშირს გაუჭირდება მოძებნოს მარტივი გადაწყვეტილებები. მაგრამ თუ მას სურს, საბოლოოდ არ დამარხოს საკუთარი რეპუტაცია, მას მოუწევს არ დაყაროს უკრაინელები ბედის ანაბარა და არც მიატოვოს ისინი რუსეთის ხელში“.