რადას დეპუტატმა პეტრე პოროშენკომ ის პირობები დაასახელა, რომლის გათვალისწინების შემთხვევაშიც ოპოზიცია მზად იქნება აღმასრულებელი ხელისუფლების დასაკომპლექტებლად. მედიასთან საუბარში, მან განმარტა, რომ თავად მთავრობის ფორმირებაში მონაწილეობას არ მიიღებს.

_ ვფიქრობ, როცა არსებულმა ხელისუფლებამ ასეთი სიურპრიზები შესთავაზა ოპოზიციას, ის ხაფანგის დაგებას უფრო ცდილობდა. ჩემი და ყველა ოპოზიციის მოსაზრება ასეთია: ჩვენ მზად ვართ პასუხისმგებლობა ავიღოთ ქვეყნის მომავალზე. ჩვენ, ოპოზიცია მზად ვართ ხელისუფლების ფორმირებისთვის, ჩვენ მზად ვართ ხელი მოვაწეროთ ევროკავშირთან ასოცირების ხელშეკრულებას.

მისივე განცხადებით, ხელისუფლება შეძლებს დემოკრატიული და გამჭირვალე არჩევნების ჩატარებას.