საქართველოს თავდაცვის ყოფილი მინისტრის მეუღლე ანი ნადარეიშვილი სოციალურ ქსელში იუსტიციის მინისტრს თეა წულუკიანს მიმართავს. ნადარეიშვილი სასჯელაღსრულების დაწესებულებებში არსებული ვიდეოჩანაწერების შენახვის ხანგრძლივობასთან დაკავშირებით საუბრობს:

"ამ ტყუილებს როდის მოეშვებით? ბაჩო ახალაიამ განაცხადა მკაფიოდ: ეს კამერები არის ჩემი დაყენებული და მინიმუმ ერთი თვე ინახება ჩანაწერი სერვერზე! არის სერვერები, რომლებიც 1 წლამდე ჩანაწერებსაც ინახავს!

როცა გაწყობთ 10 დღე ინახავს, როცა გაწყობთ 24 საათი და ბოლოს და ბოლოს მაქვს ერთი ლოგიკური კითხვა, როცა თქვით თავიდანვე რომ ამ კამერების ამოღება არ არის მარტივი პროცედურა და დრო ჭირდება დაახლოებით 20 დღეო, მაშინ ვსვამ ლოგიკურ კითხვას - თუ 20 დღე ჭირდება კამერების ამოღებას, რომელიც მხოლოდ 24 საათი ინახავს ჩანაწერს, რისთვისაა ეს კამერები მაშინ დაყენებული საერთოდ??? იმისთვის მხოლოდ, რომ ბაჩო ახალაიას "ლაივში" უსმინოთ თუ რაზე საუბრობს თავის ადვოკატებთან??? კითხვაზე მიპასუხოს ვინმემ!“, - წერს ნადარეიშვილი "ფეისბუქზე".