აზერბაიჯანის სამხედრო თვითმფრინავები სომხური და აზერბაიჯანული ჯარების გამყოფ ხაზზე ასრულებენ ფრენებს, ამის შესახებ, თავდაცვის სამინისტროზე დაყრდნობით, აზერბაიჯანული სააგენტო Trend-ი იუწყება.

ბოლო 4 დღეა, სომხური და აზერბაიჯანული ჯარების გამყოფ ხაზზე დაძაბული ვითარებაა. აზერბაიჯანის თავდაცვის სამინისტროს ინფორმაციით, სომხეთის შეიარაღებულმა ძალებმა 380-ჯერ დაარღვიეს ცეცხლის შეწყვეტის რეჟიმი.

სომხეთის მხრიდან პროვოკაციების აღსაკვეთად, თოვუზის რაიონში აზერბაიჯანის სამხედროებმა სომხების ერთი სამხედრო ავტომობილი გაანადგურეს.

ფრონტის წინა ხაზზე მყოფი აზერბაიჯანის სამხედრო დანაყოფის მომსახურეთა დაკვირვებით, ორმხრივი სროლების შემდეგ, სომხების მხრიდან ბრძანებები არამარტო სომხურ ენაზე ისმოდა.

კონფლიქტი ორ სახელმწიფოს შორის 1988 წელს, სომხეთის მხრიდან აზერბაიჯანის მიმართ ტერიტორიული პრეტენზიების გამო დაიწყო.