კრემლი თვითმფრინავ «АН-12»-ით „ბერკუტს“ სპეცსაშუალებებით ამარაგებს, რისი მეშვეობითაც კიევის ქუჩებში მანიფესტანტებს განდევნიან. ამის შესახებ „ფეისბუკის“ საკუთარ გვერდზე ფრაქცია „თავისუფლების“ ლიდერი ოლეგ ტიაგნიბოკი წერს.

„თვითმფრინავთან მხოლოდ უშიშროების თანამშრომლები მიუშვეს. მათი ხელმძღვანელობით, ტვირთი გაურკვეველი მიმართულებით წაიღეს. გუშინ თვითმფრინავი რუსეთში გაფრინდა“, - წერს პოლიტიკოსი.

ტიაგნიბოკი დარწმუნებულია, რომ ეს არის დამადასტურებელი ფაქტი იმისა, რომ „კრემლი უკრაინის შიდა საქმეებში უშუალოდ ერევა და ამაში ჩართულნი არიან განსაკუთრებულ სიტუაციათა სამინისტრო და უკრაინის თავდაცვის სამინისტრო“.