,,ომონმა“ და მასთან ერთად სამოქალაქო ფორმაში ჩაცმულმა ორმა პიროვნებამ 12 ადამიანი დააპატიმრა მინსკში უკრაინის საელჩოსთან.

ინფორმაციას ამის შესახებ ავრცელებს საინფორმაციო სააგენტო ,,белорусский партизан“-ი. ბელორუსმა აქტივისტებმა მინსკში უკრაინის საელჩოს გვერდით მდებარე ტარას შევჩენკოს ძეგლი ყვავილებით შეამკეს. როგორც ერთ-ერთი აქტივისტი ილია დობროტვორი აცხადებს, აქციის მიზანი იყო კიევში გუშინდელი ღამის და მთელი ამ საპროტეტო აქციების განმავლობასი დაღუპული აქტივისტების პატივისცემა, რის გამოც ამ აქციის 12 ორგანიზატორი იქნა დაპატიმრებული.

,,ძალიან ბევრი ადამიანი მიდიოდა ტარას შევჩენკოს ძეგლთან, რათა სოლიდარობის მიზნით, მიეღოთ აქციაში მონაწილეობა. ბელორუსიის მილიცია აფიქსირებდა ყველა მოქალაქეს, ვინც მოდიოდა და იწერდნენ მათ მონაცემებს. მიუხედავად პოლიციის წინააღმდეგბისა, აქციის მონაწილეებმა მაინც მოახერხეს გაეშალათ ტრასფარანტი - ,,უკრაინა, ჩვენ თქვენთან ვართ“, - აცხადებს ილია დობროტვორი.