რუსეთის პრეზიდენტის პრეს-მდივანი დიმიტრი პესკოვი იმედოვნებს, რომ კიევი პოლიტიკური კრიზისიდან გამოვა, თუმცა აღშფოთებულია დასავლეთის ქმედებითა და პოზიციით ამ საკითხთან დაკავშირებით.

"ჩვენ გვწამს, რომ კიევში იციან, რა უნდა გააკეთონ ვითარების ნორმალიზებისათვისა და ჩვეული ცხოვრების რიტმში დაბრუნებისათვის.

რუსეთი წუხს და აღშფოთებულია, რადგან უკვე ნათლად ჩანს გარე ძალების ჩარევა უკრაინის შიდა პროცესებში. ვერ ვიგებთ უცხო სახელმწიფოთა ელჩები, რომლებიც კიევში მუშაობენ, რატომ საუბრობენ იმაზე, თუ როგორ უნდა მოიქცეს უკრაინის ხელისუფლება. ჩვენ ამას არ ვამართლებთ და უფრო მეტიც - ეს ჩვენს აღშფოთებას იწვევს," - აცხადებს პრესმდივანი.