ე.წ.პირობითი საზღვარი მომიტინგეებსა და "ბერკუტს" შორის ისევ იწვის. ცეცხლწაკიდებული საბურავების გამო ქუჩა შავ კვამლშია გახვეული.

ქუჩაზე მოწყობილ ბარიკადებთან სასულიერო პირები მივიდნენ. როგორც ადგილობრივი მედია წერს, დაპირისპირება აქტივისტებსა და მილიციას შორის ამ ადგილას არის შეჩერებული, სადაც სასულიერო პირები იმყოფებიან, დანარჩენ ადგილებში კი შეტაკებები გრძელდება.

სასულიერო პირები ლოცვებს კითხულობენ, რათა სისხლისღვრა თავიდან იქნას აცილებული.