აშშ-ის პრეზიდენტის ადმინსტრაცია უკრაინის ხელისუფლებას მოუწოდებს „გადადგას ნაბიჯები, რომლებიც უკრაინას უკეთესი მიმართულებით წაიყვანს“. ასეთი ნაბიჯები, განცხადების ტექსტის მიხედვით, შესაძლოა იყოს „ ბოლო დღეებში მიღებული ანტიდემოკრატიული კანონების გაუქმება, კიევის ცენტრიდან სპეცრაზმელების გამოყვანა და პოლიტიკურ ოპოზიციასთან დიალოგის დაწყება“.

უკრაინაში დაძაბულობის მატება პირდაპირი დასტურია იმისა, რომ ხელისუფლება უუნაროა აღიაროს ხალხის კანონიერი უკმაყოფილება. ამის შესახებ ნათქვამია აშშ-ის ეროვნული უსაფრთხოების საბჭოს პრეს-მდივნის კეტლინ ჰაიდენის განცხადებაში, რომელიც უკრაინაში აშშ-ის საელჩოს საიტზე გამოქვეყნდა.

„ხელისუფლებამ უკრაინული დემოკრატიის საფუძვლები შეასუსტა, როდესაც მშვიდობიანი პროტესტის მიმართ სისხლის სამართლის პასუხისმგებლობა დააწესა და უგულებელჰყო სამოქალაქო საზოგადოებისა და პოლიტიკური ოპონენტებისადმი კანონით მინიჭებული დემოკრატიული თავდაცვის საშუალება“, - ნათქვამია განცხადებაში.